काँग्रेस नेता जुवाको खालबाट पक्राउ

काठमाण्डौ – नेपाली काँग्रेसका नेता बर्मा लामा जुवाको खालबाट पक्राउ परेका छन् ।

बिहीबार दिँउसो जुवा खेलिरहेका लामालाई विशेष सूचना आधारमा खटिएको प्रहरीको टोलीले काठमाण्डौको बौद्धस्थित नयाँबस्तीबाट प्रहरीले पक्राउ गरेको हो । लामासँगै जुवा खेलिरहेका १८ जना जुवाडे समेत पक्राउ परेका छन् ।

जुवाखालबाट प्रहरीले ६ लाख रुपैयाँ नगद बरामद गरेको छ । जुवा खेलाउने सागर लामा भने फरार रहेकाले उनको खोजी भइरहेको प्रहरीले जानकारी दिएको छ ।

पक्राउ परेका लामा नेपाली कांंग्रेस दोलखाका सभापति रहेको खुलाशा भएको छ ।