सीता एयरको जहाज बँदेलसँग ठोक्किएर दुर्घटना

नेपालगञ्ज – सीता एयरको जहाज नेपालगञ्ज विमानस्थलमा बँदेलसँग ठोक्किएर दुर्घटना भएको छ ।

आज बिहान हुम्लाको सिमिकोट उड्ने क्रममा जहाज धावनमार्गमा बँदेलसँग ठोक्किएको हो । उड्नुअघि धावनमार्गमा गुडिरहेको बेला जहाज बँदेलसँग ठोक्किएको विमानस्थल स्रोतले जनाएको छ । १४ यात्रु र कार्गो बोकेको उक्त जहाजको अगाडिको टायर भन्दा माथिल्लो भागमा प्वाल परेको छ ।

यद्धपी दुर्घटनामा मानवीय क्षति भने भएको छैन । सबै यात्रु र चालक दलका सदस्यहरु सकुशल रहेको बिमानस्थल श्रोतले बताएको छ । अहिले धावनमार्गबाट उक्त जहाजलाई हटाएर विमानस्थल सचांलनको प्रयास भइरहेको छ ।