नेपालले विदेशबाट आयात गरेको वस्तुको रकम भुक्तानी विदेशी मुद्रामै भुक्तानी गर्नुपर्ने हुन्छ । कारण आयात बढ्दा विदेशी विनिमय सञ्चिती पनि कम हुँदै जान्छ । नेपालको विदेशी रकम आर्जनको स्रोत रेमिट्यान्स, पर्यटन, वैदेशिक ऋण, अनुदान र पेन्सन हो ।
तर, भदौ मसान्तसम्ममा रेमिट्यान्स पनि ६.३ प्रतिशतले कमी आई १ खर्ब ५५ अर्बमा सीमित भएको छ । विप्रेषण आप्रवाहमा कमी आउने र आयातको ग्राफ उकालो लागिरहने हो भने विदेशी विनिमय सञ्चिती यथास्थितिमा राख्न चुनौतीपूर्ण हुने अर्थविद् थापाको तर्क छ ।
भदौ मसान्तसम्ममा निक्षेप परिचालन २१ प्रतिशत पुगिसकेको छ भने कर्जा प्रवाह ३३.१ प्रतिशत पुगेको छ । निक्षेप र कर्जा प्रवाहबीच रहेको अन्तर व्यवस्थापन गर्न सकेमा मात्रै विदेशी विनिमय सञ्चितीलाई व्यवस्थापन गर्न सकिने देखिन्छ ।
