एमालेको स्थायी कमिटी बैठक आज बस्दै

काठमाण्डौ – नेकपा एमालेले पार्टीको स्थायी कमिटीको बैठक बोलाएको छ ।

आज शुक्रबार एमालेले पार्टीको आन्तरिक गतिविधि तथा हालै सम्पन्न वडा तथा पालिका अधिवेशनबारे छलफल गर्न स्थायी कमिटीको बैठक बोलाइएको पार्टी कार्यालय सचिव शेरबहादुर तामाङले जानकारी दिए । अपरान्ह ४ बजे ललितपुरको च्यासलस्थित तुलसीलाल स्मृति प्रतिष्ठानमा बस्ने बैठकमा राष्ट्रिय महाधिवेशनको मापदण्ड र कार्यतालिकाबारेसमेत छलफल हुने बताइएको छ ।

बैठकमा मुख्यगरी वडा तथा पालिका अधिवेशनको समीक्षा तथा राष्ट्रिय महाधिवेशनको कार्यतालिकाको विषयमा छलफल हुने सचिव तामाङले बताए ।