महाकाली नदीमा भिषण बाढी : खतराको सतह पारगरेपछी आवागमन बन्द

धनगढी – लगातारको वर्षापछि महाकाली नदीमा पानीले खतराको सतह पार गरेको छ ।

आइतबारदेखि भइरहेको लगातार बर्षाको कारण नदीमा पानीले खतराको सतह नाघेको जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक (डीएसपी) सिद्धराज न्यौपानेले जानकारी दिए । डीएसपी न्यौपानेले मंगलबार बिहान गरिएको मापनअनुसार महाकालीमा पानीको सतह बढेर तीन लाख ९१ ह्जार क्युसेक पुगेको बताए ।

नदीमा पानीले खतराको सतह नाघेपछि शारदा ब्यारेजमा आवागमनमा रोक लगाइएको छ । अहिले शारदा ब्यारेजमा सवारीसाधन र मानिसको आवागमनलाई पूर्ण रुपमा रोक लगाइएको डीएसपी न्यौपानेले बताए ।