भक्तपुरमा ट्रकको ठक्करबाट मोटरसाइकल चालकको मृत्यु

१२ असोज,भक्तपुर – गएराती भक्तपुरमा भएको दुर्घटनामा एक जनाको ज्यान गएको छ ।

गएराती पौने ९ बजे भक्तपुरको सल्लाघारीमा भारतीय नम्बर प्लेट आर जे ०२ जी बी १९१७ नम्बरको १८ चक्के ट्रकले ठक्कर दिँदा प्रदेश ३ – ०२००८ प २५०१ नम्बरको मोटरसाइकलका चालक भक्तपुरको बालकोट बस्ने ४५ वर्षका गणेश रजौराको ज्यान गएको हो ।

दुर्घटना लगत्तै ट्रकका चालकलाई नियन्त्रणमा लिईएको प्रहरीले जनाएको छ ।