धादिङका पत्रकार सिलवाललाई फोटो पत्रकारिता पुरस्कार

७ असोज,काठमाण्डौ – धादिङका पत्रकार नारायण सिलवाल सम्मानित भएका छन् ।

लामो समयदेखि धादिङलाई कार्यक्षेत्र बनाई पत्रकारिता पेशामा क्रियासिल पत्रकार सिलवाल फोटो पत्रकार समूह (एनएफपिजे)ले प्रदान गर्ने ‘हरि गोपाल फोटो पत्रकारिता पुरस्कार २०७६’ पर्या – पर्यटनतर्फबाट सम्मानित भएका हुन् ।

सिलवाल फोटो पत्रकार समुह  बागमती  प्रदेशका  अध्यक्ष तथा धादिङबाट संचालित् धादिङ पोष्ट डटकमका प्रधान सम्पादक हुन् ।

राष्ट्रिय फोटो पत्रकार समूहको १२औँ अधिवेशनको अवसर पारेर सिलवालसहित एनएफपिजेले विभिन्न विधामा फोटो पत्रकारहरुलाई सम्मान गरेको छ । त्यस्तै अधिवेशनले प्रदीपराज वन्तको अध्यक्षतामा १३ सदस्यीय नयाँ कार्यसमिति निर्विरोध चयन गरेको छ ।