वेपत्ता भएको चार दिनपछि भेटिए ८६ वर्षीय बृद्ध

१ असोज,खोटाङ – खोटाङको दिक्तेल रुपाकोट मझुवागढी नगरपालिका – १४ बुईपा फुलेलीका ८६ वर्षीय बृद्ध चार दिनपछि फेला परेका छन् ।

गत २९ भदौदेखि परिवारबाट सम्पर्कविहीन बनेका साविकको बुईपा – ४ का ८६ वर्षका आशिकराम राई शुक्रबार फेला परेका हुन् । अलजाइमर रोगका कारण स्मरणशक्ति गुमाएर आफ्नो घर परिवारको सदस्यसमेत नचिन्ने अवस्थाका बुईपाकै पञ्चरदोबाटोमा फेला परेका आफन्तले बताएका छन् ।

स्मरण शक्ति कमजोर भएका वृद्ध राईले यदाकदा साइँला छोरा परशुरामको नाम लिने र कहिलेकहीँ आफूलाई दिनवालीको सन्तान भएको बताउने गरेका छन् ।