केपी ओलीलाई भेट्न साँझपख कानूनमन्त्री कार्की सुटुक्क पुगे बालकोट

३१ भदौ,काठमाण्डौ – एमाले अध्यक्ष केपी शर्मा ओलीलाई भेट्न कानुन, न्याय तथा संसदीय मामिलामन्त्री ज्ञानेन्द्रबहादुर कार्की साँझपख सुटुक्क बालकोट पुगेका छन् ।

संसद अवरुद्ध भएको अवस्थामा सरकारले बजेटको प्रतिस्थापन विधेयक पारित गर्न नसकेपछि सरकारी खर्च नै बन्द भएको सत्ता र प्रतिपक्षी दुवैको आलोचना भइरहेका बेला कानुनमन्त्री कार्की ओलीलाई भेट्न साँझपख सुटुक्क बालकोट पुगेका हुन् ।

श्रोतका अनुसार प्रमुख प्रतिपक्षी दलका नेतालाई विश्वासमा लिने प्रधानमन्त्री शेरबहादुर देउवाको सन्देश लिएर ओलीलाई भेट्न कार्की बालकोट गएका हुन् । मन्त्री कार्कीले बालकोट पुगेर ओलीलाई प्रमुख प्रतिपक्षी दल एमालेले गरिरहेको संसद् अवरोध खुलाउन आग्रह गरेको बुझिएको छ ।

संसद अवरुद्ध भएको अवस्थामा सरकारले बजेटको प्रतिस्थापन विधेयक पारित गर्न नसकेपछि बिहीबारबाट सरकारी खर्च बन्द भएको छ ।