केपी ओलीलाई भेट्न बालकोट पुगिन एमसीसी उपाध्यक्ष फातिमा सुमार

२४ भदौ,काठमाण्डौ – अमेरिकी सहयोग नियोग मिलेनियम च्यालेन्ज कर्पोरेसन (एमसीसी) की पूर्वाधार परियोजना उपाध्यक्ष फातिमा सुमार एमाले अध्यक्ष केपी शर्मा ओलीलाई भेट्न ओली निवास बालकोट पुगेकी छन ।

चार दिने भ्रमणमा रहेकी उपाध्यक्ष फातिमा सुमार प्रमुख प्रतिपक्षी दलका नेता ओलीसँग भट्न बालकोट पुगेकी हुन् । आज बिहान ९ बजे काठमाडौंमा अवतरण गरेकी सुमारको पहिलो भेट नै संसद्को प्रमुख प्रतिपक्षी दलका नेता ओलीसँग हुन लागेको हो । उनीहरूबीच दिउँसो दुई बजे भेट हुने तय भएको थियो ।

चारदिने भ्रमणका लागि नेपाल आएकी सुमारले नेपालमा एमसीसी कार्यान्वयनको वातावरण बनाउन सबैजसो दलका नेताहरूसँग भेट्ने कार्यक्रम तय गरेकी छिन् । फातिमासँगै सहायक उपाध्यक्ष जोनथन ब्रुक्स पनि काठमाडौं आएका छन् ।

एमसीसी उपाध्यक्षको पहिलो भेट केपी ओलीसँग हुने