ओली समुह छाड्ने गोकुल बास्कोटाको संकेत : चन्द्रागिरीको बैठकमा नबोलाईएको प्रती माधव नेपालसंगअसन्तुष्ट

७ भदौ,काठमाण्डौ – नेकपा एमालेका नेता तथा पुर्वमन्त्री गोकुल बाँस्कोटाले पनि केपी ओली समुह छाड्ने संकेत गरेका छन् ।

सोमबार साँझ सामाजिक संजालमा नेता बाँस्कोटाले यस्तो संकेत गरेका हुन् । आजदेखी माधवकुमार नेपाल नेतृत्वको नेकपा (एकिकृत समाजवादी)को बैठकका क्रममा नेपाल निकटका नेताहरु चन्द्रागिरिस्थित चन्द्रागिरि हिल्स रिसोर्टमा पुगेका बेला आफुलाई पनि चन्द्रागिरि जान रहर लागेको भन्दै फेसबुकमा लेखेका हुन् ।

त्यस्तै बाँस्कोटाले आफुलाई पनि बैठकमा जाने रहर लागेको तर नेता नेपालले निम्ता नै नगरेको भन्दै चिन्ता व्यक्त गरेका छन् । उनले लेखेका छन् मलाई पनि चन्द्रागीरी जाम जाम लाग्याथ्यो निम्तै दिएनन । कस्ता हांडीघोप्टे रेछन बाक्लो दाल खादा पनि लुकेर खाने ? भो आफु त गहतकै झोल खाईन्छ। किड्नीलाई राम्रो गर्छ रे।

उता बाँस्कोटाले एक्कासी फेसबुकमा यस्तो लेखेपछी बाँस्कोटाको स्टाटसलाई लिएर ओली समुहमा भने हंगामा मच्चिएको छ ।