प्रहरीद्धारा ब्राउन सुगर सहित तीन जना पक्राउ

४ भदौ,लहान – प्रतिबन्धित लागुऔषध ब्राउन सुगर सहित प्रहरीले तीन जनालाई पक्राउ गरेको छ ।

इलाका प्रहरी कार्यालय लहानबाट खटिएको प्रहरी टोलीले उनीहरुलाई पक्राउ गरेको जिल्ला प्रहरी कार्यालयले जनाएको छ ।

जिल्ला प्रहरी कार्यालयका प्रवक्ता सुभाष बुढाथोकीका अनुसार पक्राउ पर्नेमा लहान नगरपालिका–२४ का १८ वर्षीय मनदीप विश्वकर्मा, सोही नगरपालिका – ५ का ५२ वर्षीय रामदेव यादव र २५ वर्षीय दीपेन्द्र यादव रहेका छन् ।