प्रधानमन्त्री भेट्न माधवकुमार नेपाल र प्रचण्ड बालुवाटारमा : यस्तो छ आगामी तयारी

३ भदौ,काठमाण्डौ – प्रधानमन्त्री शेरबहादुर देउवालाई भेट्न नेकपा एमाले समाजवादीका अध्यक्ष माधवकुमार नेपाल र माओवादी केन्द्रका अध्यक्ष पुष्पकमल दाहाल ‘प्रचण्ड’ प्रधानमन्त्री निजी निवास बालुवाटार पुगेका छन् ।

आज बिहिवार हिान प्रधानमन्त्री शेरबहादुर देउवालाई भेट्न प्रचण्ड र नेपाल बालुवाटार पुगेका हुन् । तीन नेताले पछिल्लो राजनीतिक विषयमा छलफल गरेको बुझिएको छ । हिजो बुधबार मात्र नेकपा एमालेबाट छुट्टिएर नेकपा एमाले समाजवादी दल दर्ताका लागि निर्वाचन आयोगमा निवेदन दिएका नेपालले देउवा र प्रचण्डसँग सरकारमा सहभागिता तथा राजनीतिक दल विभाजन सहज हुनेगरी ल्याइएको अध्यादेशबारे छलफल गरेको बुझिएको छ ।

यसअघि माधव नेपाललाई सरकारमा सहभागी हुन देउवा र प्रचण्डले आग्रह गर्दै आएका थिए । अव माधव नेपाललाई सरकारमा सामेल हुन बाटो खुल्ला भएको छ । सोहि बिषयमा तिन नेताहरुबिच छलफल केन्द्रीत रहेको बालुवाटार श्रोतले जनाएको छ ।