वागमती प्रदेशको मुख्यमन्त्रीमा अष्टलक्ष्मी शाक्य नियुक्त

२ भदौ,काठमाण्डौ – वागमती प्रदेशको नयाँ मुख्यमन्त्रीमा अष्टलक्ष्मी शाक्य नियुक्त भएकी छन् ।

आज बुधबार मुख्यमन्त्री डोरमणि पौडेलले दिएको राजीनामा स्वीकृत गर्दै प्रदेश प्रमुख विष्णुप्रसाद प्रसाईले नयाँ मुख्यमन्त्रीमा शाक्यलाई नियुक्त गरेका हुन् ।

शाक्यको अहिले केहिबेरमा शपथ ग्रहण कार्यक्रम राखिएको एक सांसदले जानकारी दिए । त्यसअघि आज विहान शाक्यलाई नेकपा एमाले वागमती प्रदेश संसदीय दलको नेतामा चयन गरेको थियो ।