एमालेद्धारा केन्द्रीय कमिटीको परिमार्जित सूची निर्वाचन आयोगमा दर्ता

१ भदौ,काठमाण्डौ – नेकपा एमाले ओली पक्षले पार्टी केन्द्रीय कमिटीको परिमार्जित सूची निर्वाचन आयोगमा दर्ता गरेको छ ।

आज (मंगलबार) ओली पक्षिय एमालेले २६० जना सदस्यको सूची आयोगमा पठाएको हो । एमाले केन्द्रीय कमिटीमा यसअघि २६४ केन्द्रीय सदस्य थिए । आज दिउँसो बसेको स्थायी समिति बैठकले नयाँ सूची पठाउने निर्णय गरेको थियो ।

उता आजै बसेको मन्त्रिपरिषद बैठकले दल विभाजन सम्बन्धी अध्यादेश ल्याएपछि एमालेले नयाँ सूची अध्यावधिक गरेको हो । यससँगै शेरबहादुर देउवा नेतृत्वको सरकारले ल्याएको अध्यादेशको प्रतिवाद गर्ने भन्दै एमाले नेताहरुले चेतावनी दिईकेएका छन् ।

सरकारले ल्याएको राजनीतिक दल विभाजन सम्बन्धी अध्यादेशबाट नेकपा एमाले र जनता समाजवादी पार्टी बढी प्रभावित बन्ने टिप्पणी हुन समेत थालेको छ ।