प्रतिनिधि सभाको चालु अधिवेशन आज रातीदेखि अन्त्य हुँदै

३२ साउन,काठमाण्डौ – सरकारले चालु संसद अधिवेशन अन्त्यका लागि सिफारिस गरेको छ ।

आज सोमबार बसेको मन्त्रिपरिषद् बैठकले आजै राति १२ बजेदेखि लागू हुने गरी संसद अधिवेशन अन्त्यका लागि राष्ट्रपति समक्ष सिफारिस गरेको हो ।

प्रतिनिधिसभा दोस्रो पटक पुनर्स्थापना भएपछि पनि सरकारले संसदलाई पर्याप्त बिजनेश दिएको थिएन । बिजनेश नहुँदा प्रतिनिधिसभा प्रभावकारी हुन नसकेको गुनासो सांसदहरुले नै गर्दै आएका छन् । सरकार संसद अधिवेशन अन्त्य गरेर केही अध्यादेश ल्याउने तयारी गरेको स्रोतको भनाइ छ ।

त्यस्तै आजै बसेको मन्त्रिपरिषद् बैठकले प्रवेश प्रदेश २ का प्रदेश प्रमुख परिवर्तन गर्ने निर्णय समेत गरेको थियो । सरकारले राजेश अहिराज ९झा० लाई बर्खास्त गरेर पूर्व सांसद तथा नेपाली कांग्रेसका नेता हरिशंकर मिश्रलाई प्रदेश प्रमुखमा नियुक्त गर्न सिफारिस गरेको हो ।