सर्वसाधारणमाथी ड्युटीमा रहेका ट्राफिक प्रहरीको अभद्र व्यवहारसहितको धम्की : के ख्यास्न सक्छस् ख्याँस, नाम हेर बर्दि हेर…..!

३२ साउन, काठमाण्डौ – पछिल्लो समय सामाजिक संजाल फेसबुकमा एउटा भिडियो भाईरल भएको छ ।

जुन् भिडियोमा सडकमा ड्रयुटिमा रहेका एक ट्राफिक प्रहरीले गैरजिम्मेवारपुर्ण ढंगले एक सर्वसाधारणमाथी तुच्छ भाषामा गाली गर्दै अपमान गरिरहेका छन् । उक्त भिडियो कहाँको हो भन्ने स्पष्ट खुलेको छैन भने ड्रयुटिमा रहेका एक ट्राफिक प्रहरी को हुन् भन्नेसमेत खुलाईएको छैन । यद्धपी ड्रयुटिमा रहेका ट्राफिकले भने मेरो बर्दि हेर नाम हेर भन्दै चिच्याईरहेका देखिन्छन् ।

त्यस्तै ड्रयुटिमा रहेका एक ट्राफिक प्रहरीले मास्कसमेत राम्रोसंग लगाएका छैनन् । भिडियोमा एक सर्वसाधारणले भने ट्राफिक प्रहरीलाई त्यस्तो व्यवहार नगर्न भन्दै सुझाईरहेका छन् । तर ट्राफिक प्रहरीले भने के गर्न सक्छस् गर भन्दै थर्काईरहेका छन् । प्रहरीले चोर औंला ठाडो पार्दै उनीमाथी जाईलागीरहेका छन् ।

ट्राफिक प्रहरीले उनीमाथी अभद्र व्यवहार गर्न थालेपछी अन्य सर्वसाधारणसंगै अन्य सवारी चालकहरुसमेत ट्राफिक प्रहरीको गल्ती भएको भन्दै प्रहरीलाई सम्झाईरहेको देखिन्छ । तर मानिसको भिड लागेपछी उनले भने टेलिफेन गरी अन्य प्रहरीको समेत सहयोग मागेका छन् ।

भिडियो हेर्नुहोस् ।