खोलाले बगाएर ८ दिनदेखी बेपत्ता एक पुरुषको दाहिने खुट्टा भेटियो

२७ साउन,आरुघाट – गत साउन १९ गतेदेखी खोलाले बगायर बेपत्ता गोरखामा एक पुरुषको दाहिने खुट्टा फेला परेको छ ।

आरुघाट गाउँपालिका १ श्यामचेतका सानुकमल गुरुङ हलगोरु किनेर गोरु धनीसहित आफ्नो घरतर्फ फर्कने क्रममा ८ दिनदेखी बेपत्ता गुरुङको आज  दिउँसो १२ बजे वडा नं. ४ स्थित निर्माणाधीन सोती – मान्बु पक्की पुलमुनि दाहिने खुट्टा भेटिएको डिएसपी प्रकाश दाहालले बताए ।

भेटिएको खुट्टा आफ्ना बाबुको नै रहेको मृतकका छोरा बाग बहादुर गुरुङले पुष्टि गरेका छन् । शरिरको अन्य भागको पनि खोजी भई रहेको प्रहरीले जनाएको छ ।