२०८१ मंसिर १०, सोमबार

भजनकिर्तनको क्रममा माइकमा करेन्ट प्रवाह हुँदा दुई जनाको मृत्यु

शुभयुग संवाददाताप्रकाशित मिति: २०७८ श्रावण २७, बुधबार (३ साल अघि)

६६१ पाठक संख्या

२७ साउन,धनुषा – धनुषामा भजनकीर्तनका क्रममा करेन्ट लागेर दुईजनाको ज्यान गएको छ ।
मङ्गलबार, धनुषाको क्षीरेश्वरनाथ नगरपालिका – ३ पर्साटोलका बुलन यादवको घरमा भइरहेको भजनकीर्तनमा माइकमा करेन्ट प्रवाह हुँदा दुई जनाको घटनास्थलमै मृत्यु भएको हो । मृत्यु हुनेमा जिल्लाको लक्ष्मीनिया गाउँपालिका–३ बस्ने ५५ वर्षीय विन्दा दास र ५० वर्षीय मनिराम यादव रहेको प्रहरीले जनाएको छ ।

दुवै जनाको शव परीक्षणका लागि प्रादेशिक अस्पताल जनकपुरमा राखिएको र घटना विषयमा अनुसन्धान भइरहेको इलाका प्रहरी कार्यालय महेन्द्रनगरले जनाएको छ ।