स्थानिय तहमा बेथिती : गाउँपालिका उपाध्यक्षको ससुराको निधन हुँदा पनि शोक बिदा

२३ साउन,तेह्रथुम – तेह्रथुमको मेन्छयायेम गाउँपालिकामा उपाध्यक्षको ससुराको निधन हुँदा शोक बिदा दिइएको छ ।

बिहिबार राती गाउँपालिकाकी उपाध्यक्ष गीतादेवी तिम्सिना गौमतका ससुरा कृष्णप्रसाद गौतमको निधन भएपछी हिजो शुक्रबार गाउँपालिकामा शोक बिदा दिइएको हो ।

गाउँपालिका कार्यालयले एक विज्ञप्ति जारी गर्दै कृष्णप्रसादको निधनप्रति गाउँपालिका परिवार शोकमा डुबेको बताउँदै बिदा दिने निर्णय गरेको बताइएको छ ।

गाउँपालिकाका अनुसार उनको निधनमा शुक्रबार गाउँपालिका कार्यालय, सबै वडा कार्यालयहरु, सम्पूर्ण शैक्षिक संस्थाहरु सहित मातहतका कार्यालयहरु बन्द भएको थियो ।