जम्मा सय रुपैंया घुस खुवाउने सवारी चालक पक्राउ

१८ साउन,काठमाण्डौ – ड्युटीमा खटिएका ट्राफिक प्रहरीलाई एक सवारी चालकले जम्मा रु. एक सय घुस दिएपछि चालक पक्राउ परेका छन् ।

हिजो (आईतबार) काठमाण्डौको कलङ्की खसीबजार नजिकै ड्युटीमा खटिएका प्रहरी जवान गणेश ओझालाई एकसय रुपैयाँ घुस दिन खोज्ने भारतीय नागरिक ट्रक चालकलाई पक्राउ गरिएको महानगरीय ट्राफिक प्रहरी महाशाखाले जनाएको छ ।

पार्किङ निषेधित ठाउँमा ट्रक पार्किङ गरेको कसुरमा कारबाही गर्न खोज्दा चालकले प्रहरी जवानलाई जम्मा एक सय रुपैयाँ घुस दिन खोजेका थिए ।