भरतपुर महानगरका एकै वडाका २ जना प्रदेश प्रमुख नियुक्त

१२ साउन, चितवन – चितवनको भरतपुर महानगरपालिकाको एउटै वडाका २ जना प्रदेश प्रमुखमा नियुक्त भएका छन् ।

मंगलवार  बसेको  मन्त्रीपरिषदको  बैठकले  लुम्बिनी  र  गण्डकी  प्रदेश  प्रमुखमा  नियुक्तिका  लागि  सिफारिस  गरेका अमिक शेरचन र  पृथ्वीमान  गुरुङ  भरतपुर  महानगरपालिका  २६  स्थित्   दिव्यनगर   टोलका   छिमेकी   परेका  हुन्।   मन्त्रीपरिषद  बैठकले माओवादीको सिफारिसमा लुम्बिनीको प्रमुखमा शेरचन र कांग्रेस सिफारिसमा गण्डकीका प्रमुखमा गुरुङलाई नियुक्त गरेको हो ।

प्रदेश प्रमुखमा आफ्नो क्षेत्रकै दूई जनाले नियुक्ती पाएपछी भरतपुर महानगरकी मेयर रेनु दाहालले सामाजिक सञ्जालमार्फत शुभकामनासमेत दिएकी छन् ।

उनले फेसबुकमा लेखेकी छन् – ‘भरतपुर महानगर – २६ दिब्यनगरकै दुई जना प्रदेश प्रमुख पाएकोमा बधाई छ हामी भरतुरबासीलाई । लुम्बिनिमा अमिक शेरचन, गण्डकीमा पृथ्वीमान गुरुङ उहाँहरू दुबैलाई बधाई तथा कार्यकालको पूर्ण सफलताको शुभकामना।’