लामो दुरीका सवारी सञ्चालन गर्न अनुमति (सूचनासहित)

९ साउन,काठमाण्डौ – काठमाण्डौ जिल्ला प्रशासनले लामो दुरीको सवारीसाधन सञ्चालन गर्न अनुमति दिएको छ ।

शुक्रबार सूचना जारी गर्दै लामो तथा मध्यम दुरीका सवारीसाधन सञ्चालनको व्यवस्था गर्न काठमाण्डौ जिल्ला प्रशासनले अनुरोध गर्दै अनुमती दिएको हो ।

सूचनामा त्रिभुवन विश्वविद्यालय, लोक सेवा आयोग लगायतका परीक्षाहरू हुने भएकोले लामो तथा मध्यम दुरीका सवारीसाधन चलाउने व्यवस्था मिलाउन लागेको उल्लेख छ ।

यसअघि गत साउन १ गतेदेखि लामो दुरीका सवारी अत्यावश्यक पर्दामात्र चलाउन भनी काठमाण्डौ, ललितपुर र भक्तपुरका सिडिओहरुले निर्देशन जारी गरेका थिए ।