विप्लव र राप्रपा अध्यक्ष थापाबीच भेटघाट : के भयो कुराकानी ?

८ साउन,काठमाण्डौ – नेपाल कम्युनिस्ट पार्टी (नेकपा) का महासचिव नेत्रविक्रम चन्द विप्लव र राष्ट्रिय प्रजातन्त्र पार्टी (राप्रपा) का अध्यक्ष कमल थापाबीच शुक्रबार भेटवार्ता भएको छ ।

शुक्रबार बिहान थापालाई भेट्न विप्लव थापा निवास बूढानीलकण्ठ पुगेका छन् । भेटमा समसामयिक राजनीतिक विषयमा कुरा भएको बताइएको छ ।

बैठकबारे जानकारी दिँदै अध्यक्ष कमल थापाले ट्वीटरमार्फत भनेका छन्, ‘ नेकपा (माओवादी)का महासचिव नेत्रविक्रम चन्द विप्लव र सो पार्टीका नेता तथा राप्रपाका नेताहरु बीच आज सौहार्दपूर्ण भेटघाट भयो । दुवै पक्षका बिच समसामयिक विषयमा विचार विमर्श भयो ।’

उनले विप्लव नेतृत्वको माओवादीसँग सरकारले गरेको ३ बुँदे सहमति कार्यान्वयन हुनुपर्छ भन्ने पक्षमा राप्रपा रहेको पनि बताएका छन् ।