नेकपा एमाले केन्द्रीय कमिटीको बैठक आज बस्दै

४ साउन,काठमाण्डौ – नेकपा एमालेको केन्द्रीय कमिटीको बैठक आज बस्दै छ ।

आज सोमबार बिहान ११ बजे ललितपुरको च्यासलस्थित तुल्सिलाल प्रतिष्ठानमा बैठक बस्न लागेको एमाले कार्यालय सचिव शेरबहादुर तामाङले जानकारी दिए । अध्यक्ष केपी शर्मा ओलीले भने हिजो आइतवारका लागि स्थायी कमिटीको बैठक र सोमवारका लागि केन्द्रीय कमिटीको बैठक बोलाएका थिए ।

एमालेको पार्टी कार्यालय थापाथलीमा भए पनि केन्द्रीय कमिटी बैठक च्यासलमा बस्न लागेको हो । यसअघि आइतवारको स्थायी कमिटीको बैठक पनि च्यासलमै बसेको थियो । पार्टी कार्यालयका सचिव शेरबहादुर तामाङले केन्द्रीय कमिटीको सोमवारको बैठक विधान महाधिवेशनमा केन्द्रित हुने बताए ।