२६ औं स्थापना दिवसमा जनकल्याण सहकारीद्धारा रक्तदान कार्यक्रम सम्पन्न

३० असार,धादिङ – जनकल्याण बचत तथा ॠण सहकारीले रक्तदान कार्यक्रम सम्पन्न गरेको छ ।

मंगलवार, संस्थाको २६ औँ स्थापना दिवसको अवसरमा धादिङको मलेखुस्थित् केन्द्रीय कार्यालयमा रक्तदान कार्यक्रम सम्पन्न गरिएको संस्थाका अध्यक्ष देवप्रसाद त्रिपाठीले जानकारी दिए । अध्यक्ष त्रिपाठीका अनुसार ३२ महिला र ७८ पुरुष गरि ११० जनाले रक्तदान गरेका हुन् ।

रक्तदान कार्यक्रम नेपाल रेडक्रस सोसाईटी धादिङको प्राबिधिक सहयोगमा सम्पन्न गरिएको समेत त्रिपाठीले बताए ।

संस्थाले प्रत्येक बर्ष रक्तदान कार्यक्रमको आयोजना गर्दै आएको छ ।