कालीखोलामा पहिरो खस्यो : नारायणगढ – मुग्लिन सडकखण्ड अवरुद्ध

२८ असार,चितवन – कालीखोलामा पहिरो खसेपछि नारायणगढ – मुग्लिन सडक अवरुद्ध बनेको छ ।

जिल्ला प्रहरी कार्यालय चितवनका अनुसार यस सडकखण्डअन्तर्गत चितवनको इच्छाकामना गाउँपालिका – ६ कालीखोलामा सुक्खा पहिरो खसेपछि बिहान ४ः४५ बजेदेखि सडक दुईतर्फी अवरुद्ध बनेको हो ।

अहिले पनि पहिरो खसिरहेको जिल्ला प्रहरी कार्यालय चितवनका प्रवक्ता प्रहरी नायब उपरीक्षक सूर्यबहादुर थापाले जानकारी दिए । ‘बिहान शुख्खा पहिरो खस्यो, अहिले दर्के पानी परेको छ ठाँउठाँउमा फेरी पहिरो खस्न सक्छ । पानी रोकियो भने ९ बजेसम्ममा सडक खुलाउन सकिन्छ’ – उनले भने ।

प्रवक्ता थापाका अनुसार सो पहिरो हटाई सडक खुलाउन बिहान ९ बजेसम्म लाग्ने अनुमान छ ।