कालिकोटमा जिप दुर्घटना : एकको मृत्यु, चार घाइते

२२ असार,कालिकोट – कालिकोटमा जिप दुर्घटना हुँदा एकजनाको मृत्यु भएको छ ।

आज मंगलबार विहान, कालिकोटको रास्कोट नगरपालिका ५ को सन्नीघाटमा क १ ज २३ नम्बरको जिप दुर्घटना हुँदा एकजनाको मृत्यु भएको हो । उक्त दुर्घटनामा परी चार जना घाइतेसमेत भएका छन् ।

दुर्घटनामा ३६ बर्षीय पम्फा फडेराको मृत्यु भएको प्रहरीले जानकारी दिएको छ। उक्त, जिप रास्कोटबाट जितेगढा बजार आउँदै गर्दा दुर्घटनामा परेको हो । प्रहरीको अनुसार घाइतेको स्थानीय स्वास्थ्य संस्थामा उपचार भईरहेको छ।

१२ जना सवार जिप ओरालो सडकखण्डमा अनियन्त्रित भएर दुर्घटनामा परेको प्रहरीको भनाई छ ।