माओवादी नेतृ पम्फा भुषाललाई मातृशोक

२१ असार,काठमाण्डौ – नेकपा माओवादी केन्द्रकी प्रभावशाली महिला नेतृ पम्फा भुषाललाई मातृशोक परेको छ ।

माओवादी केन्द्रकी स्थायी समिति सदस्य समेत रहेकी नेतृ भुसालकी आमा इन्द्रकला भुसालको ९३ वर्षको उमेरमा आज बिहान ७ बजे आफ्नै निवास ललितपुरमा निधन भएको हो ।

इन्द्रकलाको शव श्रद्धाञ्जलीका लागि घरमै राखिएको थियो । विभिन्न राजनीतिक दलका नेता तथा कार्यकर्ताहरु श्रद्धाञ्जलीका लागि निवासमा पुगेका थिए । माओवादी केन्द्रका अध्यक्ष प्रचण्डले पनि निवासमै पुगेर इन्द्रकलाको पार्थिव शरीरमा पार्टीको झण्डा ओढाएर श्रद्धाञ्जली व्यक्त गरेका थिए ।

प्रचण्डले नेतृ भुषालाई परेको मातृ शोक प्रति दुःख व्यक्त गरेका छन् । भुषालकी आमा इन्द्रकला भुषालको आजै विहान १० बजे पशुपति आर्यघाटमा दाहसंस्कार गरिएको छ ।