बालुवाटारमा एमाले स्थाई कमिटी बैठक सुरु : यस्तो हुँदैछ छलफल

१३ असार,काठमाण्डौ – नेकपा (एमाले)को स्थायी कमिटीको बैठक बालुवाटारमा सुरु भएको छ ।

यसअघि पटकपटक स्थगित भएको बैठक आज आईतबार, प्रधानमन्त्री निवास बालुवाटारमा बसेको हो ।

बिहान नौ बजेका लागि बोलाइएको भए पनि बैठक ढिलो सुरु भएको हो । एमाले कार्यालय सचिव शेरबहादुर तामाङका अनुसार नेताहरु आउन ढिला भएपछि केही ढिलागरी बैठक सुरु भएको हो ।

बैठकमा पछिल्लो विकसित राजनीतिक घटना र पार्टीको आन्तरिक जीवनबारे छलफल हुने उनले बताए । यसअघि जेठ अन्तिमसाता बसेको एमाले स्थायी समिति बैठक बीचैमा स्थगित भएको थियो ।