चितुवाको छालासहित काठमाण्डौबाट २ युवा पक्राउ

१२ असार,काठमाण्डौ – काठमाण्डौको स्वयम्भुबाट चितुवाको छालासहित दुई जना पक्राउ परेका छन् ।

शुक्रबार दिउँसो महानगरीय अपराध महाशाखाको टोलीले चितुवाको छाला बिक्री वितरण गरिरहेको अवस्थामा स्वयम्भुबाट, सिन्धुलीको मरिन गाउँपालिका – ३, सिरटोल घर भई स्वयम्भु बस्दै आएका ३२ वर्षिय सुशिलकुमार वाइबा र सिन्धुलीकै घ्याङलेख गााउँपालिका – १, अमले घर भई स्वयम्भु बस्दै आएका ३४ वर्षीय कान्छाराम वाइबालाई पक्राउ गरेको हो ।

चितुवाको छाला ओसारपसार गरी ६ लाख रुपैयाँमा बिक्री वितरण भइरहेको सुराकीको आधारमा १ थान चितुवाको छाला सहित उनीहरुलाई पक्राउ गरी थप अनुसन्धान अघि बढाएको बताइएको छ ।