खसीको मासु भन्दै बाख्राको मासु बिक्री गर्ने २ जना पक्राउ

७ असार,रौतहट – खसीको मासु भनेर बाख्राको मासु बिक्री गरिरहेका २ जनालाई प्रहरीले पक्राउ गरेको छ ।

सोमबार, रौतहटस्थित गौर नगरपालिका वडा नं १ मा बाख्राको मासुलाई खसीको मासु भनि बेचबिखन गर्ने २ जनालाईप्रहरीले पक्राउ गरेको हो । पक्राउ पर्नेमा गौर नगरपालिका वडा नं ३ बस्ने वर्ष २४ को लाल मोहमम्द र वडा नं १ वस्ने वर्ष ३० का महमम्द नसिव रहेको रौतहट प्रहरी प्रमुख एसपी सिद्दीबिक्रम शाहले जानकारी दिएका छन ।

उनीहरुलाई अन्दाजी ३५ किलो बाख्राको मासुसहित नियन्त्रणमा लिई थप कारवाहीको लागी जिल्ला प्रशासन कार्यालयमा पठाईएको जिल्ला प्रहरी कार्यालय रौतहटले जनाएको छ ।