नेप्सेमा पहिरो, एकैदिन ६३.२८ अंकको गिरावट, सबै समूह ऋणात्मक

६ असार,काठमाण्डौ – आइतबार नेप्से परिसूचकमा उच्च अंकको गिरावट आएको छ ।

नेपाल स्टक एक्सचेन्जका (नेप्से) का अनुसार आज साताको पहिलो कारोबार दिन नेप्से परिसूचकमा अधिकतम ६३.२८ अंंकको गिरावट आई २९०५.१४ विन्दुमा झरेको हो ।

यस दिन ‘क’ वर्गका ठूला कम्पनीहरुको सेन्सेटिभ इन्डेक्स समेत अधिकतम १२.६१ अंकले घटेर ५२८.५१ विन्दुमा झरेको छ ।

आज कुल २३१ कम्पनीका २ करोड ७३ लाख ४४ हजार ५११ कित्ता सेयर १ लाख २८ हजार २८१ पटक किनबेच हुँदा अधिकतम ११ अर्ब ८१ करोड ९४ लाख २८ हजार २८९ रुपैयाँको कारोबार भएको छ ।

तिब्र गिरावटका बीच आज सबै समूहहरु ऋणात्मक रहेका छन् ।