मेलम्ची खोलामा फेरि गयो भीषण बाढी

४ असार, काठमाण्डौ – सिन्धुपाल्चोकको मेलम्ची खोलामा भीषण बाढी आएको छ ।

शुक्रबार साँझ साढे ८ बजेदेखि मेलम्ची खोलाको बहाव बढ्दै गएको मेलम्ची प्रहरी कार्यालयले जनाएको छ । मेलम्चीका प्रहरी निरीक्षक टिकाराम राईले, प्रहरीले त्यस आसपासका जोखिमयुक्त क्षेत्रमा रहेका मानिसहरुलाई माइकिङ गरेर सुरक्षित स्थानमा सारिएको जानकारी दिएका छन् ।

वर्षा सामान्य भएपनि बाढीको बहाव बढी मात्रामा आएको उनको भनाई छ । प्रहरी निरीक्षक राईले भने – ‘हिजो अस्तिको भन्दा केही बढी मात्रामा बाढी आएपनि पहिलो दिनको भन्दा अलि कम छ । मेलम्ची क्षेत्रमा पानी खासै ठूलो नपरेपनि बाढीको मात्रा बढेको छ । माइकिङ गरेर सर्वसाधारणलाई सुरक्षित स्थानमा सारेका छौँ ।’