बाढीले नदिको शतह बढेपछि कोशी ब्यारेजको १२ ढोका खुला

२ असार,काठमाण्डौ – बाढीले नदिको शतह बढेपछि कोशी ब्यारेजको १२ ढोका खुला गरिएको छ ।

मंगलबार बिहानदेखि परेको पानीले कोशी नदी र त्यसका शाखा खोलाहरुमा बाढीको शतह बढेपछि कोशी ब्यारेजको १२ ढोका खुला खुला गरिएको हो ।
अहिले कोशीमा पानीको बहाव ६१ हजार १४५ क्युसेक रहेको सुनसरीका प्रमुख जिल्ला अधिकारी उमेश कुमार ढकालले जानकारी दिए ।

प्रजिअ ढकालले भने–‘पानीको बहाव बढिरहेको छ तर खतराको अवस्था छैन । नदी किनार आसपासको क्षेत्रमा हामीले निरन्तर अवलोकन गरिरहेका छौँ । अहिलेसम्म कोशीले खतराको तह पार गरेको छैन् ।’

सप्तकोशीमा मिसिने एक प्रमुख नदी इन्द्रावतीमा आएको भीषण बाढीले सिन्धुपाल्चोकको मेलम्ची क्षेत्र ढुवानमा परेको छ भने ठूलो जनधनको क्षति भएको छ ।