नेप्सेमा १ करोड ८४ लाख कित्ता सेयर सूचिकृत

३१ जेठ,काठमाण्डौ – नेपाल स्टक एक्सचेञ्ज (नेप्से)मा आज (सोमबार) सिटिजन्स बैंक इन्टरनेशनल लिमिटेडको सेयर सूचिकृत भएको छ ।

स्टकका अनुसार सिटिजन्स बैंक इन्टरनेशनल लिमिटेडले तिनाउ मिसन डेभलपमेन्ट बैंक लिमिटेडलाई १:०.९६ को अनुपातमा प्राप्ति गर्दा कायम हुन आएको प्रति सेयर अंकित तथा चुक्ता मूल्य एक सय रूपैयाँ दरको एक करोड ८४ लाख ५० हजार ३ सय ८२ दशमलव ३९ कित्ता सेयर धितोपत्र सूचिकरण विनियमावली, २०७५ बमोजिम नेप्सेमा कारोबार हुन सक्ने गरी सूचिकृत भएको हो ।