जसपाको एकले अर्को पक्षलाई गरेको कारबाहीलाई निर्वाचन आयोगले मान्यता नदिने

३१ जेठ,काठमाण्डौ – जनता समाजवादी पार्टी (जसपा) को दुबै पक्षले गरेको कारबाही निर्वाचन आयोगले अस्वीकार गरेको छ।

जसपाका दुबै पक्षले एक अर्कालाई कारबाही गरेर विवरण अद्यावधि गर्न निर्वाचन आयोगलाई दिएका निवेदनहरु उपर निर्वाचन आयोगले आइतबार यस्तो निर्णय गरेको हो ।

उपेन्द्र यादव पक्षले कार्यकारिणी समितिको बहुमतका आधारमा अध्यक्ष महन्थ ठाकुरसहित चार नेतालाई निष्कासन गरेको थियो । त्यस्तै  महन्थ ठाकुरले उपेन्द्र यादवलाई निष्कासन गरेको थिए।

प्रमुख निर्वाचन आयुक्त दिनेश कुमार थपलिया र आयुक्तहरू जानकी कुमारी तुलाधर, रामप्रसाद भण्डारी र ईश्वरी प्रसाद पौड्यालको बैठकले सो गरेको गरेको हो ।