हुवासिन सिमेन्टद्वारा प्रदेश सरकारलाइ स्वास्थ्य सामाग्री सहयोग

२१ जेठ, काठमाण्डौ – हुवासिन सिमेन्ट उद्योगले वाग्मती प्रदेश सरकारलाई विभिन्न स्वास्थ्य सामग्री उपलब्ध गराएको छ ।

धादिङको बनीघाट रोराङ गाँउपालिकामा सिमेन्ट उद्योग स्थापना गरिरहेको चिनियाँ कम्पनी हुवासिनले वाग्मती प्रदेश सरकारको सामाजिक विकास मन्त्रालयलाई आठ थान अक्सिजन कन्सेप्टर र ५०० थान एन्टिजेन किट उपलब्ध गराएको हो ।
कम्पनिका प्रतिनिधिले सामाजिक विकास मन्त्री सरस्वती बस्नेतलाई स्वास्थ्य सामाग्रि हस्तान्तरण गरेका हुन ।

धादिङ जिल्ला अस्पताल तथा सिद्धलेक, गजुरी र बेनीघाट रोराङ गाँउपालिकालाई पनि तीन दर्जन अक्सिजन सिलिण्डर उपलब्ध गराइएको उद्योगले जनाएको छ । हुवासिनले गत वर्ष धादिङ जिल्ला प्रशासन कार्यलय तथा विभिन्न गाउपालिकामा रु ५० लाख बराबरको स्वास्थ्य सामग्री उपलब्ध गराएको थियो ।

उद्योगले ताल्ति स्वास्थ चाैकिकाे क्वारेन्टाइन निर्माणमा 2 लाख र बेनिघाट गा.पालाई 5 लाख नगद पनि सहयाेग गरेकाे थियाे । विगत तिन वर्ष अघिदेखि निर्माण कार्य शुरू गरेपनि बाढी र महामारीको कारण उद्योगले ठुलाे आर्थिक मार खेप्दै अाएकाे छ । उद्योगको निर्माण कार्य अन्तिम चरण रहेपनि लकडाउन तथा महामारीको प्रकाेप कारण प्रभावित बनेकाे छ ।
उद्योगले एक विज्ञप्ति मार्फत यस कोभिड महामारीको प्रकोप चाँडै नियन्त्रणमा आउने विश्वास व्यक्त गर्दै उपचारत कोरोना संक्रमितको स्वास्थ्यलाभ तथा दिवंगतप्रति हार्दिक श्रद्धाञ्जली व्यक्त गरेको छ । उद्योगका उप- महाप्रबन्धक डिल्लीराज पाेख्रेलले मानवजातिमाथिकाे यस चुनाैतिकाे सामना आपसी सहयोग तथा स्वास्थ मापदण्डकाे पुर्ण पालनालेमात्रै सम्भव हुन सक्ने भन्दै सरकारलाई थप स्वास्थ्य सामग्री उपलब्ध गराउन प्रयासरत रहेको जनाएका छन ।।