राष्ट्रपतिद्वारा कोभिड संकट व्यवस्थापन र शपथसम्बन्धी २ अध्यादेश जारी

६ जेठ,काठमाण्डौ – राष्ट्रपति श्रीमती विद्यादेवी भण्डारीले  २ वटा अध्यादेश जारी गरेकी छिन् ।

बिहीबार बसेको मन्त्रीपरिषद्को बैठकले राष्ट्रपति समक्ष सिफारिस गरेको सपथ सम्बन्धी र कोभिड-१९ संकट व्यवस्थापन सम्बन्धी अध्यादेश जारी गरेकी हुन् ।

यसअघि मन्त्रीपरिषद् बैठकले यी दुई अध्यादेश जारी गर्नका लागि राष्ट्रपति समक्ष सिफारिस गर्ने निर्णय गरेको थियो । राष्ट्रपति भण्डारीले नेपालको संविधानको धारा ११४ को उपधारा (१) बमोजिम मन्त्रिपरिषद्‌को सिफारिसमा अध्यादेश जारी गरेकी राष्ट्रपति कार्यालयका प्रवक्ता केशव प्रसाद घिमिरेले जानकारी दिएका छन्।