बुहारीलाई छोरी सरह व्यवहार गर्न भिडियो रिलिज

१ जेठ,काठमाण्डौ – श्रोता दर्शकलाई मनोरञ्जनसँगै सन्देश दिने उद्देश्यले गायिका स्वरुपा रसाइलीले आफ्नो नयाँ गीत ‘जसले मलाई…’ को भिडियो बिहीबार रिलिज गरेकी छन् । भिडियोलाई युट्युबबाट रिलिज गरिएको छ ।

यो गीतमा राजकुमार सुनारको शब्द र बीबी अनुरागीको संगीत रहेको छ । गीतको भिडियो निर्देशन समन अधिकारीले गरेका हुन् । छोरी र बुहारीलाई गरिने व्यवहारको विभेद मेट्न आफूले यो भिडियो तयार गरेको निर्देशक अधिकारीले बताएका छन् ।

गीतको भिडियोमा उनले बुहारीलाई पनि छोरीको जस्तै व्यवहार गर्नुपर्छ भन्ने सन्देश दिएका छन् । भिडियोले राम्रो प्रतिक्रिया पाएको समनको कथन छ ।

यो भिडियोमा एक महिलाले आफ्नै श्रीमान्ले साथ नदिएपछि भोगेको पीडालाई अधिकारीले प्रस्तुत गरेका छन् । जसमा गौरव पहारीले श्रीमान र उत्साहा घिमिरेले श्रीमतीको भूमिका निर्वाह गरेका छन् ।

गौरव र उत्साहासँगै भिडियोमा विशाल पहारी, कमला रेग्मीलगायतका कलाकारको पनि अभिनय रहेको छ । भिडियोमा फराज अर्पणको छायांकन तथा सम्पादन रहेको छ ।