बिहीबार बढ्यो सुनको मूल्य : कतिमा हुँदैछ कारोबार ?

१६ बैशाख,काठमाण्डौ – नेपाली बजारमा आज (बिहीबार) सुनकाे मूल्यले उकालाे यात्रा तय गरेकाे छ ।

बिहीबार सुनकाे मूल्य ताेलाकाे ३ सय रुपैयाँले बढेर  प्रतिताेला ९० हजार ८ सय रुपैयाँमा काराेबार भइरहेकाे नेपाल सुनचाँदी व्यवसायी महासंघले जनाएको छ ।

यस्तै, बिहीबार तेजावी सुनको भाउ पनि ताेलाकाे ३ सय रूपैयाँले नै बढेर प्रतितोला ९० हजार ३ सय रूपैयाँ निर्धारण गरिएको छ ।

त्यसैगरी, बिहीबार चाँदीकाे मूल्य पनि तोलामा १० रुपैयाँले बढेर प्रतितोला एक हजार ३ सय १५ रूपैयाँमा काराेबार भइरहेकाे महासंघले बताएकाे छ ।