निषेधाज्ञा प्रभाव : आज एकैदिन काठमाण्डौ उपत्यकाबाट बाहिरिए ५० हजारभन्दा बढी

१४ बैशाख,काठमाण्डौ – निषेधाज्ञाको निर्णयसँगै काठमाडौं उपत्यका छाड्नेको संख्या बढेको छ ।

वैशाख १६ गतेदेखि एक साता लामो निषेधाज्ञा गर्ने निर्णयसँगै काठमाडौं उपत्यका छाड्नेको संख्या बढेको हो ।

महानगरीय ट्राफिक महाशाखाका अनुसार सोमबार (हिजो) एकैदिनमा विभिन्न नाकाबाट ५० हजार ४५६ यात्रु उपत्यकाबाट बाहिरिए । सोही अवधिमा ४१ हजार ४२० जना उपत्यका भित्रिएका थिए ।

सो क्रममा ७ हजार ९ सय साना–ठूला सवारी बाहिरिएका छन् भने ७ हजार ६३७ सवारी उपत्यका भित्रिएका छन् ।