उपत्यका प्रवेश गर्दा अब अनिवार्य होम आइसोलेसनमा बस्नुपर्ने

१४ बैशाख,काठमाण्डौ – कोरोना संक्रमण बढेसंगै काठमाडौंमा उपत्यका प्रवेश गर्नेहरुले अब अनिवार्य क्वारेन्टिन वा होम आइसोलेसनमा बस्नुपर्ने भएको छ ।

सोमबार काठमाडौं उपत्यकाका तीनवटै जिल्लाका सिडिओले जारी गरेको आदेशमा उक्त कुरा बताइएको छ । “कोरोना भाइरसको नयाँ भेरियन्ट तीव्र रुपमा फैलिरहेकाले अब उपत्यकामा प्रवेश गर्ने व्यक्तिहरुले अनिवार्य रुपमा स्थानीय तहले तोकेको क्वारेन्टिन र होम आइसोलेसनमा बस्नुपर्ने छ”, जारी आदेश नम्बर ६ बुँदामा उल्लेख छ ।