निषेधाज्ञामा सूचना विभागले जारी गरेको परिचयपत्रको आधारमा मात्र सञ्चारकर्मीले आवतजावत गर्न पाउने

१४ बैशाख,काठमाण्डौ –  उपत्यकामा बिहीबारदेखि लागू हुनेगरी निषेधाज्ञाका क्रममा सञ्चारकर्मीहरुले समेत सहज तरिकाले आवतजावत गर्न नपाउने भएका छन् ।

निषेधाज्ञा जारी गरिएपछि स्थानीय प्रशासनले सञ्चारकर्मीलाई आवतजावतको व्यवस्थासम्बन्धी विषय पनि उल्लेख गरेको हो । जसअनुसार सञ्चारकर्मी तथा पत्रकारले सूचना विभागले जारी गरेको परिचयपत्रका आधारमा मात्र आवतजावत गर्न पाउनेछन् ।

उपत्यकामा वैशाख १६ गते बिहान ६ बजेदेखि वैशाख २२ गतेसम्म निषेधाज्ञा जारी गरिएको छ । कोरोना संक्रमण फैलिएपछि स्थानीय प्रशासनले आदेश जारी गरेको हो।