बलात्कार मुद्धामा पत्रकार केदार कोइराला दोषी ठहर

१३ बैशाख,काठमाण्डौ – उच्च अदालत पाटनले पत्रकार केदार कोइरालालाई जबर्जस्ती करणी (बलात्कार) को आरोपमा दोषी ठहर गरेको छ ।

न्यायाधीशहरु अच्युत विष्ट र नवराज थपलियाको इजलासले जिल्ला अदालत काठमाडौंको यसअघिको फैसला उल्ट्याउँदै कोइरालालाई दोषी ठहर गरेको हो ।

काठमाडौं जिल्ला अदालतका न्यायाधीश तेजनारायण पौडेलको इजलासले आरोप पुष्टि नहुने भन्दै कोइरालालाई सफाई दिएको थियो । त्यो फैसला उल्ट्याएको उच्च अदालतले कोइरालालाई सजाय तोक्नका लागि फेरि सुनुवाइ गर्ने आदेश गरेको छ ।