गण्डकी प्रदेशसभाको अधिवेशन बस्दै : मुख्यमन्त्री विरुद्ध दर्ता भएको अविश्वासको प्रस्ताव टेबुल गरिने

१३ बैशाख,पोखरा – गण्डकी प्रदेशसभाको बिशेष अधिवेशन आज बस्दैछ ।

आजको अधिवेशनमा मुख्यमन्त्री पृथ्वीसुब्बा गुरुङ विरुद्ध दर्ता भएको अविश्वासको प्रस्ताव टेबुल गरिने भएको छ । हिजो बसेको कार्य व्यवस्था परामर्श समितिको बैठकले तयार पारेको कार्यसूची अनुसार अविश्वासको प्रस्ताव टेबुल गरिएपछि प्रतिपक्षी संसदीय दलका नेता कृष्णचन्द्र नेपालीले बोल्ने छन् ।

त्यसपछि दलगत रुपमा प्रदेशसभा सदस्यहरुले बोल्ने र छलफल सकिएपछि प्रस्ताव माथि मतदानद्वारा निर्णय गरिने कार्यतालिका रहेको छ ।