कोरोना सङ्क्रमणबाट चितवनमा एक महिलाको मृत्यु

१० बैशाख,काठमाण्डौ – कोरोना भाइरस कोभिड – १९ सङ्क्रमणबाट चितवनमा एक महिलाको मृत्यु भएको छ ।

मृत्यु हुनेमा रत्ननगर नगरपालिका – २ की ३९ वर्षीया महिला रहेको अस्पतालले जनाएको छ । निमोनियाको समस्याका कारण वैशाख ७ गते पुरानो मेडिकल कलेजमा भर्ना भएकी उनको उपचारका क्रममा आज बिहान ४ बजे मृत्यु भएको हो ।

उनमा वैशाख ९ गते कोभिड सङ्क्रमण पुष्टि भएको थियो । कोभिड सङ्क्रमण पुष्टि भएसँगै उनी चितवन मेडिकल कलेजको कोभिड सघन उपचार कक्षमा भर्ना भएकी थिइन् । उनको कोभिड सघन उपचार कक्षमा उपचारका क्रममा उनको मृत्यु भएको चितवन मेडिकल कलेजले जनाएको छ ।