आज एकैदिन २४ सय भन्दा बढीमा कोरोना पोजेटिभ देखियो : सक्रिय संक्रमितको संख्या साढे १२ हजार नाघ्यो

९ बैशाख,काठमाण्डौ – पछिल्लो २४ घण्टामा नेपालमा २४ सय २८ जनामा कोरोना संक्रमण पोजेटिभ देखिएको छ ।

आज २४ सय २८ जनामा कोरोना संक्रमण पोजेटिभ देखिएसँगै देशभर हालसम्म कोरोना संक्रमितको कुल संख्या २ लाख ९२ हजार १५२ पुगेको छ।  योसंगै हाल देशभर १२ हजार ६ सय ९० जना सक्रिय संक्रमित पुगेका छन् । भने आज देशभर १० हजार १ पीसीआर परीक्षण गर्दा २३ सय ६५ जना र ४ सय ४७ एन्टीजेन परीक्षण गर्दा ६३ गरी जम्‍मा २४ सय २८ जनामा कोरोना संक्रमण पुष्टि भएको हो ।

त्यस्तै, पछिल्लो २४ घण्टामा मात्रै थप पाँच जना कोरोना संक्रमितको मृत्यु भएको छ।