पूर्वी नवलपरासीमा टिप्परको ठक्करबाट एकजनाको मृत्यु

३ बैशाख,कावासोती – पूर्वी नवलपरासीको देवचुलीमा टिप्परले मोटरसाइकललाई ठक्कर दिँद एक जनाको मृत्यु गएको छ ।

मृत्यु हुनेमा मोटरसाइकल चालक देवचुली नगरपालिका – १४ बस्ने बर्ष ३५ को तिलक कुमार डिसुवा रहेको प्रहरीले जनाएको छ । पूर्वी नवलपरासीको देवचुली नगरपालिका वडा नं २ हमाल चोकमा पूर्वबाट पश्चिमतर्फ आउँदै गरेको ना ७ ख २३५४ नम्बरको टिप्परले विपरित दिशातर्फ जाँदै गरेको लु २२ प ५७६७ नम्बरको मोटरसाइकललाई ठक्कर दिँदा मोटरसाइकल चालक डिसुवाको निधन भएको हो ।

दुर्घटनामा परि गम्भीर घाइते भएका डिसुवाको पुरानो मेडिकल कलेज भरतपुरमा उपचारको क्रममा गएराति निधन भएको इलाका प्रहरी कार्यालय रहजरका प्रहरी निरीक्षक नविनकुमार थापाले बताए ।

ठक्कर दिने टिप्पर, टिप्पर चालक र मोटरसाइकल जिल्ला प्रहरी कार्यालय नवलपुरको नियन्त्रणमा रहेको छ ।