काँग्रेस केन्द्रीय समिति बैठक आज बस्दै : महाधिवेशन र समसामयिक विषयमा छलफल गर्ने

३० चैत,काठमाण्डौ – नेपाली काँग्रेसले आसन्न महाधिवेशन र समसामयिक राजनीतिक विषयमा छलफलमा गर्न केन्द्रीय समिति बैठक आजका लागि बोलाएको छ ।

बैठकमा माओवादी केन्द्र र जसपाबीच शुक्रबार भएको बैठक र त्यसपछि विकसित राजनीतिक घटनाक्रमबारे छलफल हुने प्रवक्ता विश्वप्रकाश शर्माले जानकारी दिए ।

शुक्रबार सभापति शेरबहादुर देउवाले माओवादी केन्द्र र जसपाका शीर्षस्थ नेताहरूलाई बूढानीलकण्ठस्थित निवासमा बोलाएर छलफल गरेका थिए ।

बैठकमा उनले सरकार गठनमा सहयोग गर्न आग्रह गरेका थिए । नयाँ सत्ता समीकरणका सम्भावित परिदृष्यका बारेमा बैठकमा छलफल गरिने जनाइएको छ ।